أول وكالة اخبارية خاصة انطلقت في الأردن

تواصل بلا حدود

أخر الأخبار
"هيئة الأسرى": إعلان أسماء الأسرى المحررين وفق آلية تدريجية خلال أيام التبادل القناة 13: الصفقة قد تؤثر سلبا على الواقع الأمني بالضفة انقطاع الكهرباء عن آلاف الأستراليين بسبب الأمطار الغزيرة الأونروا تعتزم مواصلة عملها في غزة والضفة رغم الحظر الإسرائيلي الكابينت يوسع أهداف الحرب لتشمل الضفة الغربية بالأسماء .. فصل الكهرباء من الـ 10 صباحاً وإلى الـ4عصراً عن مناطق غداَ هل ينهي اتفاق غزة هجمات الحوثيين؟ هيئة البث الإسرائيلية: الجيش منهَك ويجب أن يستريح الخارجية القطرية تعلن توقيت وقف إطلاق النار بغزة معاريف: مقربون من ترمب نقلوا رسالة مقلقة لنتنياهو طقس العرب: الوضع المطري في الأردن حرج اتفاق غزة يدخل حيز التنفيذ عند الساعة الثامنة والنصف من صباح الأحد مواعيد مباريات اليوم السبت 18 - 1 - 2025 والقنوات الناقلة أوكرانيا: مقتل 4 بهجوم شنته روسيا ليلا على كييف نتنياهو: ترمب يدعم العودة للحرب إذا تم خرق الاتفاق الداخلية الفلسطينية: بدء الانتشار بمحافظات غزة كافة فور دخول اتفاق وقف الحرب حيز التنفيذ ترمب يصل واشنطن السبت لبدء احتفالات تنصيبه مجلس الأمن يناقش الوضع بلبنان والجولان المحتل كان: 5 أسرى لن تفرج عنهم إسرائيل بالمرحلة الأولى الاحتلال سيطلق سراح 737 معتقلا فلسطينيا بالمرحلة الأولى
الصفحة الرئيسية مقالات مختارة احنا ملح الارض وجذورها يا دولة الرئيس

احنا ملح الارض وجذورها يا دولة الرئيس

10-12-2024 11:42 AM

يا دولة رئيس وزراء #الاردن يا ابن الاردن وابن بلقاءها وعمانها وشمالها وجنوبها وغربها وشرقها يا ابن سحم الكفارات والسلط والربة ووادي موسى والموقر وابن الظليل والازرق والزرقا
خليني اسولف معك بلغتنا بعد اذنك دولتك ، بلغة الناس اللي واقفة يوميًّا على باب رزقها. إحنا اليوم، مشكلتنا مش لمبة شارع مكسورة، ولا مركز صحي ناقص أدوية. مشكلتنا أعمق من هيك بكثير. إحنا مشكلتنا شعب شعر بالجوع، وكأن الوطن اللي دايمًا حبّيناه صار عبء على كتافنا.
دولة الرئيس، لما الأب يروح على داره وما معه خبز لأولاده، ولما الأم تصحى الصبح مش عارفة كيف تسد دين الدكانة ، ولما الشب يتخرج ويلاقي الشارع أكبر جامعة بتعلمه الصبر والخذلان، هون المشكلة.
الجوع مش بس لقمة أكل، الجوع صار بأحلامنا اللي دفناها، بالفرص اللي ما وصلناها، بالمستقبل اللي بنشوفه أسود قدام عيوننا.
إحنا مش قاعدين بنطلب المستحيل، ولا بدنا أشياء خرافية. إحنا بدنا أبسط حقوقنا: نعيش بكرامة، نشتغل ونأكل من تعب إيدينا، ونحس إنه البلد إلنا كلنا، مش لناس وناس
دولتك رواتب ابيش اليوم المواطن اللي راتبه 300 أو 400 دينار كيف بده يعيش؟ كيف بده يدفع إيجار البيت والكهربا والمي؟ كيف بده يعلّم أولاده ويأمن علاجهم؟ الراتب صار يادوب يكفي نص الشهر، والباقي؟ دين فوق دين، للبقالة، للجيران، للبنوك وللمحكمة وللشرعية وللنفقة وابصر وين دولتك احنا ممنوع انعيش ممنوع نطلع رحلة وانشم هوا
والمصيبة إنه المواطن صار رهينة للبنوك. أغلبنا مش قادر يكمل حياته إلا بقروض، وقروض على قروض، لدرجة إنه صار نص راتبنا يروح للالتزامات والفوائد. إحنا اليوم عايشين على القلة وما عنا فرصة نرفع راسنا ونقول: إحنا قادرين.
دولتك احنا صرنا درجة ثانية بالاردن ،
اللي صار إنه المواطن البسيط حس حاله مواطن درجة ثانية. كل شيء حوالينا صار محسوب للناس المليانة اللي معها تدفع وتعيش مكيفة. إحنا، اللي بنشقى ونحرث ليل نهار، قاعدين بنعيش على الحفة
وكأن وجودنا مجرد أرقام تُضاف للتقارير، لكن بدون ما حد يسمع صياحنا الي وصل لمالطا
الوطن مش بس لناس وناس ، الوطن لازم يكون إلنا كلنا. بدنا قوانين تحمينا، بدنا توزيع عادل للثروات، بدنا نحس إنه تعبنا مش رايح هدر.
دولة الرئيس، إحنا مش جايين نشتكي، إحنا جايين نطلب حقوقنا. الكرامة، العدل، والعيش الكريم، هظول مش رفاهية، هظول حق كل أردني. الوطن اللي إحنا مستعدين نموت عشانه، لازم يكون مستعد يعيش لإلنا.

يا وطن صبري طويل وحالي انضام
يا وطن، صبري طويل وحالي انضام
جوع ببطني، وجعي ما لقى أحكام
بكفّاي شقيت، وزرعت الأرض أحلام
لكن حصادي دمعة، ونار تحت الحطام
راتبي طير، ما يكفي نص الشهر
والدين فوق الدين، وضاع العمر سهر
والبنك شريك بجيبي بكل قهر
وحريتي صارت رهينة لدفتر وقهر
يا وطن، إحنا ملح الأرض، إحنا جذورها
إحنا اللي نزرع الخير، نحمي ديارها
لا تنسى ابنك اللي جاع، وحمى سورها
لا تخلي الصابر يكفر بعيون نورها
#صوت_الشعب #كرامة_الأردني #الاردن_الان #رئاسة_الوزراء #الديوان_الملكي
@JafarHassan








تابعونا على صفحتنا على الفيسبوك , وكالة زاد الاردن الاخبارية

التعليقات حالياً متوقفة من الموقع