كيف أغير زوجي؟؟

زاد الاردن الاخباري -

مرحبا انا عندي مشكلة وبتمنى انكم تساعدوني انا عمري 33 سنة متزوجة من 11 سنة وعندي ثلاث اولاد انا وزوجي غير متكافئين ابدا لا بالتفكير ولا باسلوب الحوار ولا بالتعليم وما حسيت بقيمة هاد الشي الا بعد فترة طويلة من الزواج ومرت الايام وراحت الايام مرض والدي وكان يتدايق من وجود اولادي بالبيت متل ما بتعرفو اطفال ومزعجين وهو مريض مع العلم انه بيموت عليهم وبيحبهم وخلال هاي الفترة زوجي كل ماله تزداد علاقته السيئة معي من ناحية علاقات مع بنات ومن ناحية غلط علي وتدخل اهله الي مو طبيعي وانا ساكتة ومتحملة عشان ولادي لكن الاخ تمادى كتير وبعد وفاة والدي صار يسبه كتير ويغلط عليه وانا احكي يابنت الناس اختصري واصبري وحاولت كتير اني اعمله شي كبير بين الناس وهو بيقلل دائما في مثلا نص عفش بيتي من اهلي وكمان هو مو مقدر هاد الشي وتعلمت سواقة واهلي دفعولي نص حقها انا بحكي هاي التفاصيل لانه حيترتب عليها امور كتيرة وانا اخواني مو من النوع اللي بيضرب او بيغلط بالعكس عيلتنا كتير هادية وفي يوم من الايام زاروني خواتي قبل عيد ميلادي بيوم ليجوبولي هدية وتاخرو بالسوق اعطوني الهدية من الباب وروحو وكان زوجي نايم وبعد ساعة صحي حكيتله بدي اوصل خواتي بدل ما ياخدو تكسي انا حكيت هاي الكلمة وهو نجن شياطين الدنيا ركبته وبدا يغلط فيي وباهلي وصارت مشكلة كبيرة اضطر يتدخل فيها زوج اختي لانه ضربني وسب على والدي اللي ما صرله سنة متوفي ومنعني اطلع من البيت مع العلم انه اغلب المناسبات اللي تصير عند اهلي يحلف علي يمين طلاق ما ازورهم ورحت عبيت اهلي طبعا اهلي استقبلوني وشدو عايدي اني اضل وهو قعد فترة شهر ما سال عني لانه كان متوقع اني ارجع لحالي بس فتحت المدارس ونقلت الاولاد حس انه ما في رجعة فطلب الاولاد اجازة الاسبوع ياخدهم طبعا انا وافقت بعدين الاسبوع الي بعده ما يرضي ياخد الولدين الكبار بده بس ابني الصغير اللي عمره سنتين ونص ووافقت وبعته وطلب يحكي معي لنتفاهم حكيت معه تلفون طلب اني انا اروح اجيب ابني من بيته فرفضت وهو رفض يجيبه وباخر مكالمة بينا اطلب فيها ابني صار يهددني ازا ما رجعت عالبيت ومن هاد الحكي انا كتير تعبت منه ومن اسلوب حياته ومن طريقة تعامله ارجو من اصحاب الاختصاص انهم يفودوني شو اعمل...