العيب مني ولا منه !

زاد الاردن الاخباري -

سلام للجميع عفوا أيها الاخوه رح اعرض عليكم مشكلتي وفيها نوع من الجرأه وصدقوني اني خايفه احكيها لأي حدى بعرفه يروح يفهمني خطأ حتى لو كانت أمي
أنا امرأة متزوجه ومتعلمه وعمري ٢٥ سنه والي سنتين ونص متزوجه والكل يلي بعرفهم بمدحوا فيه لأني حلوه و باخلاقي لأني البست جلباب وانا عمري ١٣ سنه لأني بحب الدين وألبسته عن قناعتي و حافظه ٨ إجزاء من قرآن على فكره أنا ما بمدح بحالي ، اصلا انتم ما بتعرفوني بس حاب ما توصفوني بالجريئه وتكون تعليقاتكم فيها تجريح لأنه يلي فيه بكفيني

زبدة الموضوع أنا كتير بحبه لزوجي وبحاول اعمل المستحيل انه يكون مبسوط بس هو عنده مشكله ما بعرف شو سببها ، بعمل المستحيل اني البسله واتزبطله وأغير من شكلي كل يوم مكياج غير ولبسه غير وشعر بسرحه بطريقه كل مره مختلفه ، بس المشكله اني ما بلاقي منه تجاوب ولا كأني موجوده و لا كأني إنسانه عندي مشاعر او احاسيس .......

فتحت معاه الموضوع اكتر من مره وحكيتله اذا فيه عيوب بجسمي او شو يلي مو عاجبه فيه او اني مو كويسه ومقصره معاه باي شي؟، كرماله صرت أحاول انحف من حالي وبلعب رياضه مع العلم اني مو ناصحه والكل بشوفني بيحكيلي حرام ليش الرجيم شو ناويه تختفي

ما بعرف شواعمل
معقول انه أنا السبب ما بشوف فيه المرأه يلي فيها كل المقومات الانوثه
او انه بكرهني مثلا ومو طايقني
او ان الغلط منه

والله بقعد بالأيام ابكي ما بعرف شو يلي صار معاه ودائما بدعي ربنا انه يحببه فيه

والله بجزيكم الخير