هل أصبح الإرتباط بفتاة بلا ماضي صعب هذه الأيام؟!

زاد الاردن الاخباري -

السلام عليكم .. .
اريد ان اطرح مشكلتي لقراء زاد والرجاء من الشباب والصبايا انه اي تعليق ما اله داعي بلا منه رجاءا يا اخوان الرجاء نكون نتحدث بصلب الموضوع ..

انا شاب عمري 28 سنه بشتغل بدبي وماشي حالي والحمد لله ..  بس انا بواجه مشكله كبيره مش عارف ايش اعمل شو الحل، انا كل سنه بنزل شهر اجازة وبدي اتزوج وكل سنه بنزل فيها امي بتكون شايفتلي اكم عروس بس لسوء الحظ ما بيعجبوني لانه الفتره محدودة يادوب تبدا اجازتك ولا هيه مخلصة ويادوب بتكون  شفتلك اكم بنت وابصر يعجبوك او لا.

مش بس هون المشكله, بصراحة المشكله العظيمة انه معظم البنات بسألهم عندكم تجارب حب مع شباب بجاوبو بكل صراحة اه النا ! طبعا انا بهز راسي انه عادي الوضع بس من داخلي بدي انفجر.. اكتر من بنت صارو مجاوبيين نفس الجواب ..

 

طيب وين ثقافة المجتمع ,احنا عرب يعني عنا قيم احنا مو غربيين.احنا جذورنا اصيله محافظة. صرت اشك بحالي ,طيب ياناس وين بدي الاقي وحده مش عامله علاقات حب مع شباب ,ودايما علاقات الحب مرتبطة بقصص مش كويسة ..

انا عارف رح تقولولي مش كل البنات بس اغلب الصبايا هيك ورطانين بقصص حب وهمية وخياليه مع شباب بالجامعات بياخدو مصروفهم من اهليهم ومع شباب بصرفو ع اهاليهم ومع شباب يادوب راتبه يكفيه لنص الشهر ومع شباب معهمش يدخنو . طيب ليش؟ ايش السبب ؟ والله قابلت صبايا زي الجوهره بس التجارب الماضيه حارقه ورقتهم ..والمشكله النا احنا المغتربين بطلنا نثق بحد ومتا بدك تلاقي وحده اقل موصفات فيها .هو كله هالشهر شوبدنا نشوف لما نشوف حاسس حالي بدي انفجر ..

 

الحل يا اخوان الحل ..