لأصحاب العقول الراجحة!

زاد الاردن الاخباري -

يا بني بشر , انا انسان عادي في ربيع العمر, عندي حياة منيحة فيها هموم ومشاكل وفيها حب و سعادة, من ضمن هاي المشاكل ( شغل و زواج الخ متاع الحياة يعني ) ..

المشكلة كالتالي : طبعا اهم شي في المشكله هو انا او بالاحرى شخصيتي (انا انسان عنيد جدا جدا ) طبعا لو تعرفوه بتشوفوه لزيز دبلوماسي بس الحقيقة هي انو الي براس براسو .

المهم لما اجت مرحلت الدراسة اخترت تخصص طبعا لفت الدنيا عوامل ظروف ما درستو ضل عزيزكم صاحب المشكلة مطنش (سنين ضاعت بالموضوع) لحتى لما رجعت الدنيا درس واتخرج وهو مبسوط وبعدها اجت مرحلت الزواج اختار انسان يشاركوه بهالحياه لفت الدنيا وراح هاد الانسان !!!!

طيب اجا بدو يشتغل هيك : قامت الدنيا حكتلو صعب ولله في هيك بس عجبك عجبك ما عجبك اخبط راسك بالحيط (ومن كتر عندو لصاحب المشكله ضل يخبط براسو لليوم ) معقول في بشر هيك نعم انا , طيب وهو هاد الانسان صاحب المشكلة انسان عاقل او على اساس يعني!! راح يسأل اهل الخبرة عن الدنيا حكولو ولله هاد نصيبك هيك الله قسملك شو مو عاجباك !! حكالهم طيب و الحل ؟ حكولو ادعي الله ( راح صاحب المشكله صار عابد يدعي و يصلي و يقوم (سنين ) ما شي تغير !! طبعا احلى ما في الموضوع انو صاحب المشكلة لزيز بدعي باليل و تاني يوم الصبح و هو طالع عالشغل بتطلع يمين شمال بقول بنفسو بلكي القدر بدو ينبهني لشغله :) و يا حرام ضل صاحب المشكله على هالحال . رجع عند اهل الخبره حكالهم يا عمي صارلي سنين بدعي و بصلي ما صار شي وراح هالعمر !! حكولو الله يعنك عماصابك بس ضل ادعي حكالهم شو ادعي ما تدعي : يا عمي كل شي بهالدنيا الو اطار زمني يعني في وقت بمشي ما بموت.

انا بدي هسا حالاً حكولو : عجزنا !!!!! طيب انا شو اعمل (مع انو الدين بأمر بالسعي والايمان بالقدر) طيب معقول انا احكي هيك نصيبي و اضل عايش الحياة الحلوه (بس مو الي اخترتها انا ) ولا اقاوم مع العلم اني قوي الحمدلله يعني هل ازا انا قاومت بكون رزقي ونصيبي مش عاجبني وبكون هيك (حرام ) ولا لازم اقاوم لحتى اوصل للي بدي ياه (و يعتبر هاد من السعي في الدنيا ) مع العلم اني اخاف حدود الله ولا اتخيل التعدي عليها !!

حاليا انا مسترخي و مكتئب بسبب اصحاب الخبرة (الي حكولي هاد رزقك ارضى فيه ) :(