شاهد: هنا الزاهد تبكي بسبب والدتها.. ما القصة؟

شاهد: هنا الزاهد تبكي بسبب والدتها .. ما القصة؟

زاد الاردن الاخباري -

تأثرت الفنانة المصرية هنا الزاهد بشدة ولم تستطع أن تتمالك دموعها خلال حديثها عن إصابة والدتها بسرطان الثدي، ورحلة علاجها، فانخرطت في البكاء.

و قالت الزاهد: "ربنا خرج المرض وصرفه الحمد لله بس بعد كده جت الفترة الأخيرة حصلها مشكلة تانية، افتكرناها خراج زي ما أحنا متوقعين قبل كده، بس طلع ورم خبيث"، وفق (لها).

وأضافت الزاهد، خلال لقاء لها ضمن برنامج "معكم منى الشاذلي" الخبر جالي في التصوير، لقيت فرح أختي بتكلّمني وقالتلي حاجة ضايقتني، وكنت المفروض بصوّر مشهد بضحك فيه، الناس مش عارفة إن الواحد ساعات بيضحك بس هو بجد من جواه بيضايق، اليوم ده مش بحب افتكره.. بس عشان شغلي قررت أكمل تصوير".

وأضافت" فرح كلّمتني وقالتالي لو أنتي يا هنا ماما راحت للدكتور، والنتيجة طلعت عندها ورم خبيث، أنا اتضايقت جداً بس عشان ده شغلي قولت لازم أكمّله، المخرج والمنتج وقّفوا التصوير كام ساعة وبعدين روحت اتطمّنت على ماما ورجعت ودخلت التصوير.. عاوزة أقول للناس متستنوش على نفسكم لحد ما الدنيا تبوظ خالص، لو أنت شاكك في حاجة روح أكشف، ماما قالت أنا مش هعمل العملية لأن فيه المفروض استئصال، وقالت كلام سودائي ومكناش مستحملين، قولتلها يا ماما معلش عشانا أحنا من غيرك مش هنعرف نكمل، فراحت عملت العملية".

واختتمت الزاهد حديثها قائلةً: "قولنالها كلنا يلا يا ماما هنروح ونتبسط ومش هيبقى فيكي حاجة، والحاجة الوحشة السودة دي هتروّح، وحياتنا هتبتدي من أول جديد، أحنا متعلقين بأمنا عشان خايفين عليها".

---