ما الحل برأيكم ؟؟

زاد الاردن الاخباري -

مسا الخير الى قراء زاد الكرام انا حبيت اكتب مشكلتي هون هي مش مشكله هي حيره بامر بفكر فيه ويارب الاقي عنكم النصيحه لاختكم انا فتاه عمري 29 سنه تقدملي خلال فتره عمري اللي مرت وخصوصا بعد تخرجي من الجامعه عدد من العرسان الا انو كان رفضي بسبب اني بدي اشتغل وبكير وهدا الحكي اللي بكتشف كل يوم اني كنت غلطانه لاني رفضت احسن الناس حتى اني رفضت دكتوري بالجامعه مابدي افوت بكل شخص اتقدملي قصص طويله هلا المهم انا اتقدملي شخص قبل فترة شافني بمكان عملي واعجب في وعرض علي الزواج طبعا هو شخص ظروفو عاديه جدا هو عباره عن معلم بمدرسه بس الشب جدا خلوق ومؤدب انا نفسي بخجل منو على اد ماهو محترم المشكله اني متردده بالموافقه عليه لانو ظروفو مش كتير انا بعرف انو الامور الماديه من يوم ليوم بتتغير بس خايفه من كلام عيلتي اللي راح يحكوا صبرت صبرت وبالاخر اخدت معلم والله مابنام من تفكيري ويلي عمري اللي بمر وويلي كلام الناس وتفكيرهم السطحي والمادي والمظهري خصوصا انو انا كمان اطول منو بشوي يعني برضو رح يعلقو وانا لهلا ماحكيت لاهلي عنو خايفه يرفضو لانو بالنسبه للي تقدمولي هو شخص عادي وانو انتي لازم تعيشي على نفس مستوى اهلك او انو قادر يعيشك هاي اول كلمه من اهلي انا بعرفهم مش ماديين بس اكيد بهمهم ارتاح شو النصيحه اخواني واخواتي والله تعبت ومش عارفه اخد قرار وعم بحاول اتهرب من الرد عليه لانو مابدي اجرحو اسفه طولت عليكم