خطيبي شكاك

زاد الاردن الاخباري -

 

انا بنت عمري 22 سنه 

حبيت شب 3 سنين وهلأ احنا خاطبين

بس في مشكله فيه كنت مفكريتها رح تتلاشى بعد الخطبه وما كنت اعرف انها رح تزيد

خطيبي شكاك 

بشك بكلشي 

حتا وانا بالجامعه 24 ساعه فاتح علي خط

و لما اكون بالمحاضره لازم افتح عليه خط يسمع صوت الدكتور

ولما اكون مروحه بالباص بدو يسمع صوت الباص عشان يتأكد انو انا بالباص

واذا مره من المرات ما قدرت ارد او اتأخرت شوي بصير يحكيلي انتي ابصر وين وانتي ابصر مع مين مع العلم انو مانعني احكي مع اي مخلوق حتا البنات بالجامعه

عنجد تعبت متدايقه قد الدنيا وما حدا حاسس فيه حتا صبايا العيله و البنات قرايبي اللي من جيلي ممنوع احكي معهم او اطلع معهم

ممنوع اطلع اي مكان

ما بزبط اتركو لانو لما اجا طلبني اهلى ما كانو موافقين لانو مش دارس و بالاخر بابا حكالي انتي بتتحملي مسئوليه اختيارك وما النا دخل فيكي مش عارفه شواعمل

كتير تعبانه وكتير متدايقه