عريس من التهلكة

زاد الاردن الاخباري -

السلام عليكم أصدقائي الأعزاء
أنا من ابرز المعلقين والمشاركين بهذه الزاوية ...
دائما أكتب رأيي بحلول الناس لكن لأول مرة أشعر بأني احتاج لنصائح الناس لذلك اخترتكم انتم كي تنصحوني ...
انا فتاة عمري 25 سنة متعلمة جامعية اعمل في منصب مديرة مهم جدا وأتقاضى راتب عالي ولي شخصية قوية والكل يعرف عني لا يعجبني أي شيء ولا أستلسم للظروف ، كافحت بحياتي جدا تعبت بمشقة كبيرة حتى وصلت لما انا عليه ،،، أهلي ناس عاديين من الناحية المادية والاجتماعية لكنهم معروفون بمخافة الله والطيبة وحسن الاخلاق ...
مشكلتي هي تقدم لي عريس ... اتو أهله بالبداية علينا مرة واثنان وثلاث ونحن زرناهم كل ذلك قبل أن يأتي العريس من سفره ...
العريس
العمر : 34
الدراسة : توجيهي ناجح فندقي
العمل : مدير في احد الفنادق .
الشكل : جميل .
التفكير : منفتح بأخلاق .
الحالة المادية : مرتفعة جدا .

المشكلة هي أنه بعد ما اتى العريس وشفته وانا حكيت عنه ماشي حاله, رنت أخته على اهلي تاني يوم الصبح وحكتلهم بدي ايكم بكلمتين وبدي احكيلكم اياهم ، اجت عنا وحكت لأمي (( انه هو كان متزوج في الخليج ومطلق )) .
وانا كأنها كانت أكبر ضربة على راسي !!!
انصحوني شو اعمل ؟؟؟ شو أقرر ؟؟؟
انا خفت منه ومن شغله ومن الكذب بالبداية واعترافهم بالأخير ومن عمره ... يعني صارت كل الاشياء الصغيرة تكبر براسي وخايفه كتير ...
انصحوني لو كنتوا مكاني .....

شكرا الكم
شكرا لزاد الاردن
شكرا لكل المشاركين