أول وكالة اخبارية خاصة انطلقت في الأردن

تواصل بلا حدود

أخر الأخبار
هذا الإجراء الذي ستفرضه الحكومة على الأردنيين يوم الجمعة الصحة: تسجيل إصابتين بفيروس كورونا في الاردن تجديد انتخاب الذنيبات رئيساً لمجلس إدارة الفوسفات إيران تتجاوز 8 آلاف وفاة بكورونا ربع مليون مستخدم لتطبيق أمان بالأردن العراق يسجل 781 إصابة و21 حالة وفاة بالتفاصيل .. القرارات الصادرة عن هيئة اعتماد مؤسسات التعليم بريطانيا تسجل ارتفاعا ملموسا للوفيات اليومية بفيروس كورونا إعادة فتح صالات الأفراح في غزة الداوود: تصويب 8 استيضاحات وثقها ديوان المحاسبة لشهر نيسان ترامب: أريد اتفاقا نوويا مع روسيا تجارة عمان تدعو لإيجاد مصادر تمويلية جديدة للقطاع التجاري والخدمي إرادة ملكية بترفيع رئيس محكمة أمن الدولة القاضي العسكري الدكتور علي المبيضين الأردن يتسلم معدات طبية من الصحة العالمية مصدر حكومي :لا حديث للرزاز اليوم والإيجاز الصحفي سيكون مكتوبا محمد فؤاد عن كورونا: ربنا بعاقب البشر الشارة الدولية للتحكيم النسوي الأردني الوحدات يطالب بالإسراع في حسم مصير الموسم شويكة تنفي علمها بضياع عينات فحص بفندق للحجر السعودية .. ارتفاع عدد المتعافين من فيروس كورونا إلى 68159 شخصا
الصفحة الرئيسية أردنيات أردني مقيم في ايطاليا للأردنيين: “لا تخرجوا من...

أردني مقيم في ايطاليا للأردنيين: “لا تخرجوا من بيوتكم.. ونتيجة الاستهتار ستكون كارثية”

أردني مقيم في ايطاليا للأردنيين: “لا تخرجوا من بيوتكم .. ونتيجة الاستهتار ستكون كارثية”

20-03-2020 03:56 AM

زاد الاردن الاخباري -

وجه أردني مقيم في ايطاليا رسالة ونداءً مؤثراً للشعب الأردني حول فيروس كورونا وتداعياته.

وقال في رسالته :” هذه آخر فرصة لكم اجلسوا في بيوتكم ولا تخرجوا نهائيا لاي سبب كان ،، اجراءات الحكومة بالتعامل مع الحدث ممتازه لاول مره اشوف قرارات من الحكومة الأردنية صائبة بهذا الشكل”.

وتاليا نص الرسالة:

حسبي الله ونعم الوكيل بكل شخص مستهتر وما التزم بقوانين الحكومة

” نداء للشعب الاردني من ابنكم في إيطاليا.

بالبداية ما كنت احكي اشي من الي بصير عنا بإيطاليا خوفا على مشاعر اهلي بس اليوم كل الاردن اهلي وانا خايف عليكوا اكثر من حالي ولازم احكي ،، الناس اغلبها ما زالت غير مدركة شو يعني فايروس كورونا وماخذين الموضوع باستهتار والصوره الي شايفينها هاي نتيجة استهتار الإيطاليين بالبدايه ،

الي بحب احكيه انه الكرة ما زالت بملعب الأردنيين وهاي اخر فرصه الكوا “تنظبوا ببيتكوا” وما تطلعوا نهائيا لاي سبب كان ،، اجراءات الحكومة بالتعامل مع الحدث ممتازه لاول مره اشوف قرارات من الحكومة الأردنية صائبة بهذا الشكل ،،

ولكن الان كل الدور على الشعب انتوا تحددوا مصيركوا بايدكوا ، هاي المرحله اهم مرحلة بالتعامل مع الفيروس البدايه ،الي كانت غلطة الناس هون اتركوا مجال للحكومة تحصر عدد المصابين ، هناك اشخاص اذا لا سمح الله حملوا الفايروس جسمهم ما رح يتحمله لا حدا يحكيلي كبير وصغير وهاي النتيجة قدامكم ،

يوم أمس توفي شاب مصري وطبيب سوري نتيجة الفيروس اجراءات الحكومة بعدم تسليم أي جثة ، يعني أذا فقدت عزيز عليك والله ما رح تقدر تدفنه بعيشها

دعه لانه جثته رح تكون حاملة للفيروس ،، الفايروس انتشر بطريقة لا يتخيلها العقل ، لا حدا يطلع لا حدا مشان الله خليكوا ببيتكوا هاي الفتره اهم فتره هاي الايام ،

الموضوع بحاجة لتكاتف كبير عشان نقدر نتخطى المرحلة .

شعبنا الاردني مصيركم بايديكوا بلدنا صغيره سهل جدا ينتشر فيها الفيروس لا قدر الله .

خليك بداارررك لا تطلع افهم يا بني ادمين لا تطلع من مره بس هالاسبوعين ،

الفيروس ما بدخل على البيت الا اذا طلعت انته وجبته لبيتك، خليك في بيتك بس ،عارف شو بس يعني بس بيتك لا تشتري اشي اتخذوا من المونة الي بالبيت حتى لو بتعيش انته واولادك هالايام على الخبزه والمي المهم لا تطلع لا تطلع لاتطلع ، الناس اللي طالعين تستلموا رواتبكم اجلوها شوي الصراف ممكن ينقل العدوى اي مكان ممكن ينقلك العدوى،لا حدا يطلع لا تخلوا الي بصير هون يصير بالاردن مشان الله ،، والله الاردن مو حمل هالازمه.

الجيش والاجهزه الامنيه الي بالشوارع وجهولهم تحياتكم من شبابيك البيوت فقط لا حدا يقرب منهم ارفعوا من ازرهم ومعنوياتهم من بعيد بس لا تقدمولهم شي من بيتكم الموضوع بالعقل مش بالعاطفة كاسة شاي بعاطفتك ممكن تدمر الدنيا .

مشان الله اسمعوا كلامي عن تجربة عشتها وما زلت بعيشها








تابعونا على صفحتنا على الفيسبوك , وكالة زاد الاردن الاخبارية

التعليقات حالياً متوقفة من الموقع