تائهة بين حبيبي وخطيبي

زاد الاردن الاخباري -

زاد الاردن الكرام
 
بتمنى تلاقولي حل لمشكلتي
 
انا فتاة مخطوبة من فترة مشكلتي انه كنت احب واحد ثاني بس وضعه المادي سئ جدا جدا
 
كذب علي كتير وكان حكيلي انه هو  من عيلة غنية وكل يوم يجيني بسيارة فخمة وبالاخر وبعد سنة  اعترفلي انه هو شب عادي وانه اهله ناس بسطاء وانه هو ما كان مفكرني هيك فكرني زي اي بنت ممكن تكون مو منيحة وبعد ما خبرني الحقيقة انجنيت بس كنت حبيته صارلي سنة المهم صار يجيني ناس وبالاخر تركته وخطبت شب تاني كتير محترم اخلاقا وخلقا بس مشكلته مادياته مو منيحة لدرجة انه بيقعد بالشهر ما يجي لعندي ولا حتى بيتصل فيني هاد الشي بيخليني احن لحبيبي الاول برغم الي عمله معي طبعا حبيبي السابق عرف اني خطبت وزعل وبطل يحكي معي بس انا خبرته انه فسخت الخطبة ( طبعا كذب)  عشان يحكي معي عشان ما اضل حاسة بالفراغ العاطفي  وهلا هو صارله فترة بيزن علي بده يجي يخطبني وانا مش قادرة احكيله انه انا اصلا ما فسخت خطبتي مش عارفة شو اعمل يا ريت تلاقولي حل
 
اترك خطيبي وارجع لحبيبي طبعا حبيبي هلا كتير تغير التزم بالصلاة كتير ويحبني كتير  وبيغار علي كتير
خطيبي عكسه ما بيهتم في ولا بيسال عني كل هاد مشغول بديونه مش حاسة انه مخطوبة اصلا  حبيبي محسسني بشغلات كتير ناقصتني من خطيبي ومش حابة اضل ماشية بهيك كزبة
 
بعرف انه الي بعمله غلط بس انا كتير حاسة حالي ضايعة ومش مرتاحة شو اعمل