شبح الماضي يلاحقني ..

زاد الاردن الاخباري -

مرحبا اعزائي القراء الكرام
ارجو منكم مساعدتي لانني محتارة جدا ماذا افعل ذلك؟؟؟؟؟؟

انا فتاه ابلغ من العمر 27 عاما متعلمة ومن بيئة محافظة، مشكلتي كبيرة وهي انه لما كنت بعمر 18 سنه تمت خطبتي من شاب ما بعرف الله لا هو ولا اهله كنت بهداك الوقت صغيره وخام وطبعا هو استغل هادا الاشي فيني كان دايما يحاول يعمل معي اشياء "سوري عالتعبير جنسية" وكنت ارفض بس بنفس الوقت ما كنت اعرف اتصرف لحد ما في يوم من الايام كنت عندهم بالبيت وامه طلعت وتركتنا لحالنا طبعا انا استغربت وحسيت بشي غلط وحاولت احكيله نطلع بس هو حاول يتقرب مني وما رد علي وما عرفت اتصرف كان عندي مشاعر مخربطة انه هادا خطيبي وبحبني المهم صار بيني وبينه اشياء وحاولت اوقفه عند حدة بس ما قدرت وكمان كنت خايفه كتير وطبعا لا تنسو القوة العضليه عند الشب وضل يحاول لحد ما افقدني عذريتي مع انه كان فقط من الخارج وحسيت بالم فظيع ومن الخوف والندم لم استطع الكلام حتى اني لم استطع النظر اليه من الخجل.
وبعدها بفتره اكتشفو اهلي بان خطيبي متورط بقضايا متعددة وانه متزرج من اخرى وانه امه عندها علاقات مشبوهه وانه يشرب ويحشش وغيره الكثير حسبي الله ونعم الوكيل فيه ففسخو الخطوبة ولم استطع ان اخبر احد بالامر.

ومن وقتها وقد طلبني الكثير ولكني دايما ارفض لهذا السبب واتحجج لاهلي باي سبب للرفض،ممكن تحكولي روحي على دكتورة واعملي ترقيع بس بصراحة انا مستحيل اروح اعمل هيك شي وللعلم لي اخت دكتور نسائية وانا اعمل واستطيع بكل سهولة دفع اي تكاليف للعملية ولكني لم استطيع وذلك لاني لا استطيع ان اتزوج من احد وأبدا حياتي بكذبة فلن ارتاح في يوم اذا كنت مخبية شي وما بتخيل انه الانسان الي بدي اتجوزه اكون مستغفليته، ولكن من ثلاث سنين اشتغلت في شركة وكان لي زميل وحدث بيننا اعجاب وبقينا اصدقاء في نطاق العمل اول سنتان وفي السنه الثالثه صرح لي عن حبه لي ولكني طلبت منه ان ينسى موضوعي لاني لا افكر بعلاقات الحب وغيره وطبعا انا بدي اياه لاني مقتنعه فيه كتير فنحن متفاهمين ومتكافئين في التعليم والاثنان من نفس الطبقة وحتى بالشكل فهو يشبهنني،
ولكنه كان مصر لانه بحبني وحكالي انا حكيت لاهلي وبدي آجي اطلبك من اهلك وفعلا اهله حكو من اهلي، ولما صار الموضوع جد انا حكيتله عن الي صار بيني وبين خطيبي وبصراحة توقعت انه راح يتركني بس رده كان غير هيك حسيته كتير اتضايق وعيونه دمعة بالاول بس حكالي انا كتير مبسوط انك حكيتيلي وانا بدي اياكي لانك كنت صريحه معي وانا الي ثلاث سنين بعرفك وبعرف اخلاقك وواثق فيكي "وانا فعلا ما عندي علاقات نهائي" وانه ما في حدا ما بيغلط وفعلا اجا هو واهله وطلبوني
هلا المشكله هون اني انا هلا محتاره دايما بسمع من الناس انه الشب اذا بعرف ماضي البنت ممكن بيوم يعايرها وانا خايفه من هادا الشي انا الي عملته غلط؟؟ بليز شباب ساعدوني؟ وبدوووون تجريح