أول وكالة اخبارية خاصة انطلقت في الأردن

تواصل بلا حدود

أخر الأخبار
وفاة طفل بمستشفى كمال عدوان بسبب سوء التغذية غرف الصناعة تطالب بربط شمول الشيكات بالعفو العام بإسقاط الحق الشخصي التنمية: عقوبات لمخالفي جمع التبرعات 7.726 مليون اشتراك خلوي حتى نهاية ربع 2023 الرابع إسرائيل تغلق معبر الكرامة الحدودي مع الأردن بنك الإسكان يواصل دعمه لبرامج تكية أم علي بمشاركة واسعة من موظفيه في أنشطة شهر رمضان 32552 شهيدا و74980 مصابا من جراء العدوان الإسرائيلي على غزة مركز الفلك: الأربعاء 10 نيسان عيد الفطر الإفتاء الأردنية توضح حكم تناول أدوية سد الشهية في رمضان أهالي الاسرى الاسرائيليين يجتمعون مع نتنياهو اسعار الخضار والفواكهة في السوق المركزي اليوم. بوتين: لن نهاجم "الناتو" لكن سنسقط طائرات «إف-16» إذا تلقتها أوكرانيا بديلا لصلاح .. التعمري على رادار ليفربول الانجليزي الصفدي يشكر بريطانيا لتصويتها لصالح قرار مجلس الأمن 3 جرحى بإطلاق نار على حافلة مدرسية إسرائيلية قرب أريحا قصف جوي إسرائيلي عنيف على مدينة الأسرى بغزة ارتفاع أسعار الذهب في السوق المحلي. طلب جيد على الدينار في شركات الصرافة الاحتلال يفرج عن 7 معتقلين من طواقم الهلال الأحمر مقاومون يطلقون النار على حافلة في اريحا ويصيبون 3 "إسرائيليين"
كراسي وطواقي وغيوم ملبدة
الصفحة الرئيسية آراء و أقلام كراسي وطواقي وغيوم ملبدة

كراسي وطواقي وغيوم ملبدة

06-06-2018 05:49 PM

تغيير وزاري من جديد واسماء من هون وهون اشي بدفع واشي عالتلفون ولعب بتسيل الكل معالي والكل بيك مستوزرين ونواب و سياسيين حزبيينوعامه الشعب بستنى دوره مااحنا متعودين .... وياخوف قلبي يصير تغييرشخوص مش برامج وسياسات ونرجع نضرب كف عكفونقول ياريت اللي جرى ماصار .... لانه شو راح يتغير همنا بعده افتصادي احنا بلد مستهلك مش منتج واصجابنا تخلوا عنا بعز الازمه همنا اقتصادي وعلى راسه المديونيه وفوائدها الثمانية مليارقلبت مليارات ... والاسعار نار يامختار والله وكيل وصلت القاع وماحد سامع صوتنا ,,وحكوماتنا بدل ماتصارحنا اعتبرتها اسرار وظل الواحد تايه وزي .... حاشاكم .. وصرنا نطلع عالميدان والدوار ونصرخ ياستار
كراسي .....حكومة رايحة وحكومه جايه …طرابيش وطواقي بتتنقل من راس لراس وبظل ثلاث اربع كراسي بدوروا على اصحابها ودولاب الحظ بيدور وعلى راس مين الله وحده يعلم ويمكن يكونوا من حظ سعيد الحظ اللي مرتبط واللي بتعامل واللي بشتغل هون ولا هون ومعه بدل الجواز اثنين
ومن حظ حاملي الجنسيات المختلفة او اصحاب المزارع او الكروش المتدليه او الصفقات ومن المتعهدين والدكاترة المعالجين ومن اللي بتفرضهم السفارات ماحد داري عن قرعه بيهم من وين.... وكيف بنزلوا علينا وبنصير نفتش عن سيرهم الذاتيه وتعظيم احترام لابنعرف اسرارهم ولا من وين اجو ولاوين رايحين وبترجع يابو زيد ماغزيت ويالله استعدوا ....

ياحكومه الجوع كافر وبنطق الاخرس الجيعان بتحول من ارنب لاسد الجيعان بركان وقوة وطوفان مش راح تقدروا توقفوا قدامه لو ثار
بتسالوهم ليش طلعوا للشوارع ....هم صبرو بقليلهم ورضيوا لكن قليلهم مش راضى بيهم ,,وبيتأمر عليهم وزرا ونواب وتجار ضمائر وتجار مواد غذائيه ونفط وضرايب ورفع دعم وخراب بيوت ومستقبل كله على هالغلابى وعلى لقمة عيالهم و اللي رضيوا بالبين واليبين مارضي فيهم
احنا بنحب وانت بتعرف دولتك وبنحب حكومتنا بنحب الجيران واحنا الانصاروبتعرف انه بلدنا مفتوح بلدنا مشرعات ابوابه لكن .......مش على حساب لقمه اولادنا ودواء اولادنا...... وميات شرب اولادنا.... ولا على حساب جوعنا وقهرنا .........كلها بتقول مدفوع ثمنه ملعون هالثمن اللي ماشفنا منه شي واحنا بعدنا بنسدد فواتير الراشي والمرتشي والمختلس والفاسد
احنا مع حكومتنا الحديدة وبنحبهم بس لايختبروا صبرنا زي اللي قبلكوا ماخلوا صبر للاردني ..... ولاتراهنوا على صبره عندنا انتماء عندنا ولاء عندنا تسامح عندنا كرم وطيبه وشجاعه ونزاهه وخلق هاي راس مالنا وما بنسمح لحد يمسهن
من هون بقول لحكومتنا خلص انتبهوا حذارى من ثورة الجياع
حذارى من الجيعان لو طلع فى ثورة ومفيش وراه اللى يخسره..... نواب وزرا سياسيين احزاب شخصيات تجار كلمه..... تجار ضمائر باعو واشتروا بينا ومستعدين يموتوا دفاع عن كراسيهم وتصور وزير روح الكرسي معه عملها نكته ولا متاصله فيه ...... كم نيرون ونيرون بينهم احرق الدنيا وبقعد على عزايم الفقرا وبضحك وبمد رجليه ومش داري بهالغلابى باعو واشتروا بينا ومرمطونا وظلوا يقولوا احنا معكم ومستقبلكم اهم عندنا وجيوب انتفخت وجيوبنا فرعت والضمان شجد الفقرا المتقاعدين دينار ودينار ونص والكبار اخذوا المليارات وماعرفنا طريقها مثل ماباعو مقدرات الشعب وانجازاته راح المينا وراح المطار وراح وراح بلاش فضايح

سمعتهم بقولو غصة الجوع اقوى من تعذيبات المعتقلات والجوعان ما يفكر بالجيش ولا بالشرطة و بالدرك و المعتقلات لو جاع الموت ارحم له من انه يعيش جوعان فى بلده واولاده تموت قدامه جوع وقهر ومرض على الاقل عمره ما بجوع..... الموت ساعتها الشرطي والعسكري هم كمان اردنيين وجيعانين واهلم شقيانين زيهم واكتر ومش راح يضربوا اللى حاله مثل حالهم واضرط شويه
. وصحيح الكبير بظل كبير اما الصغير لازم يظل صغيرليش مابغرف زي سر رفع البنزين ماحد بعرف معادلتها ....ولا مين بدهم يحكموا وعلى مين يشوفوا حالهم على مين بدهم يعلقوا اخطائهم ومثالبهم وعوراتهم على مشجب واحنا المشجبمااحنا الحيط الواطي بهالزمن المقرف ... وزراء كيف بلتموا وكيف بتعارفوا وكيف بتجانسوا مابنعرف حتى فريق كره القدم اذا مش متجانس ومتفاهم النتيجه بتكون عكسية ...وزارة رايحة ووزاره جايه ولما بتفشل بلاقوا شماعه وبطردوا ثلاثة وبجيبوا اربعه وبقولوا تعديل ..والحال على حاله لان التغيير يكون بالسياسات بالبرامج مش بالشخوص

حكومتنا نازله تعين كبار وصغار.... وتصدر فرمانات برفع الاسعار والضرائب والسطو على اخر قرش بجيبه الانسان الاردني...... نسيت انها امام مسؤوليات وامانه وواجب وان عقول زلمها لازم تنحك وتفكر كيف الحل ومن وين تجيب تسدد فواتير الفساد ورواتب واجور العباد ...مهمه لهالواجب جايين . وزادت الطين بله قروض ومساعدات وخصخصة وانفاق غير مبرر والحل موجود ......عصــــــــــرالمواطن الانسان...... وشد الحزام..... وتمزيق جيبه.. بس للاسف ماعادت جيب ولا عاد انسان ....بقايا انسان..... الحكومة مش مصدقه لانه بعض نوابنا بلموا لمه وبعزموا الكبير على مائده حالها بقول بعد انساننا جيوبه مليانه....... حكومتنا نسيت كل شئ وحاولت تنسينا بقصص برغيف الخبز وجرة الغاز وبتعديل قادم وقانون جايوقانون رايح وتضبيط موازناتها وبالسفر والزيارات وفطور هون وفطور هناك ..... ونسيوا عيديه الايتام والفقرا ونسيوا شهر رمضان وماتركوتا حتى رغيف الخبز لحقونا عليه وبقولوا. واليوم لقوا شماعه اسمها تغيير حتى يخففوا من الاحتقان ويصير الواحد يفكر ان الحال سيتغير ويصبر شويه كمان وياريت يحفظوا كرامه الوطن والمواطن .....ياريت يكون تغيير تغيير مش تغيير شخوص بل تغيير سياسات ةبرامج مش يبقى الحال عحاله ونعود لتسميه خانات جديدة وتعيينات ومناكفات مع الحزبي والوسط الاسلامي
وإحنا بدنا تغيير إنساني ......بلد بتموت وشعب فى حالة سكوت وكانها لعبة اتارى من كتر الظلم والظلمة بقول ياريت الماضي يرجع تاني

ياريت مانشوف الفاسد بطلع من صاله كبار الزوار والشريف برموه بنظارة المطار على قيمه شيك منسي او غرامه طابع من سنين قبل مايسافر الشب ويرجع للبلد شايب
يابلدي انا اللي من صغري أخترتك جنتي وفراشي وغطاي ارجعت الك لقيتك جعلوا منك مقبره اللي ولاولادي أنا اللي من صغري أخترتك كلمتي ألاقيكي مقيداني الشئ اللي تغير فيك انك صرت تضاهي اليابان بالغلا وارتفاع المعيشة بس على بلاطه والبنى التحتيه خربت
أه يا بلد نفسي قبل ما أموت الاقي زمانك وزمانى بلد بتعاني بكل المعاني بكياني وانا أملى أحس بكيانى نفسي أعيش من غير ما أنافق لفلان الفلاني نفسي أعيش من غير ما أنافقواتزجلق واتملق ولا حتي لا بوي اللي رباني علي السكوت وعلي العيشة,وانه شيخ جامعنا جامع الحمد باربد الشيخ رامي بيقول المعارضة حرام وانااللي بقول وبطالب بحقي حرام
نفسى أعرف شو هو الحلال ياشيخ رامي فى بلد االالف حرامى
ياحكومتنا..... صدقوني مثل مابتنفذوا اوامر البنك الدولي احنا بنفذ اوامركم حرفيا ومصدقينكو بس بنسمع كلامكم وبنشوف اعمالكم ضدان لايتفقان ....وبعد البنك الدولي رايج جاي ذل الشعب وبمجد بالحكومة اللي بتنفذ اوامره بالحرف ...... جوعتونا وعطشتونا وقرفتونا عيشتنا وشو اكثر يوم كهربا ويوم نفط ويوم غاز ويوم خبز ويوم ضرائب ويوم ويوم ونفذنا وصاياكم بالحرف الواحد وعالعمياني الله وكيل نفذنا نصايحك
وماعدنا نعرف نوابنا الكل قاعد ومرخي ... ولما مايلاقي حصته راح يرجع ويثور ويصير ثوري ويطالب بالتغيير
وبعدكم بتقولو مديونيتنا وصندوق البنك الدولي رايح وجاي وبتقولو انه في ضرايب جديدة ومخالفات سير عالغميض وهون رادار وهون كاميرا وهون شرطي سير وغرامات وارتفاع اسعار وجمارك وغيره وغيراته ماهو كل مااجا الله يسلمه بقول بعد بكير ومطالبنا لازم تتنفذ وبعطينا روشيته جديده قبل ما تنتهي اللي قبلها بعطينا وصفه جديدة مش قابله للتغييرات حتى لو الشعب مات واخر المطاف بطلع علينا وزير وبقول نصنا اميه وبحول المدارس وقاعات الامتحان لسجون وزنازن وبهدم اخر ماظل من مصداقيه التعليم وبقول انجاز وظل على كرسيه الهزاز
ياريت كانت حكومتنا شفافة صادقه معنا من الاول لنثق بها ونمد لها يد العون لماذا سوقت وروجت للكثير من القصص والقضايا التي لم تنطلي على المواطن حتى هدمت جسور الثقة وفقدت المصداقية بين اطراف المعادله.........ورجعت حكوماتنا لجرد الموازنه ومعرفه حجم الديون وفوائدها وبالمقابل ازداد الانفاق بل الهدر والمخالفات والفساد اتسعت رقعته و تراجع التصدير وزادت نسبة الاستيراد والسياحة ضاعت وهرب الاستثمار محليا واجنبيا بعد الاستفاده من الفرص الممنوحة مثلما كان التهرب الضريبي ورحيل الراسمال العربى والمحلي وحتى الاجنبي والسؤال الاكبر الا تفهم حكومتنا ان البنك الدولي ........هو عدو الشعوب لكنه ليس الوحيد المسؤول عن انعدام الرؤيا الاقتصادية الوطنية وغياب الشفافية والديمقراطيه المهزومة مثلما هي سياسات عباقرة الاقتصاد والروس اللي مشه تبن ومعلومات غلط لاتنطبق عالحال
نعم الشعب كان مستني تغيير المهم تريحوه من همه وتخلصوه من غمهوينسى الدوار الرابع والثالث والاول ......





تابعونا على صفحتنا على الفيسبوك , وكالة زاد الاردن الاخبارية

التعليقات حالياً متوقفة من الموقع