أول وكالة اخبارية خاصة انطلقت في الأردن

تواصل بلا حدود

أخر الأخبار
نصراوين: حلّ مجلس النواب قد يكون منتصف تموز المقبل استشهاد الصحفي محمد بسام الجمل بغارة شرق رفح مستوطنون يؤدون صلوات تلمودية بباحات الأقصى 8 شهداء بينهم طفلان بغارت الاحتلال على رفح المومني: الأحزاب أصبح لها دور واضح في الحياة السياسية الأردنية الأردن .. إحباط تهريب 700 ألف كبسولة مكملات غذائية مخزنة بظروف سيئة بلاها فراخ .. حملة لمقاطعة الدواجن بمصر مدعوون للتعيين في وزارة الصحة (أسماء) اليرموك تحدد موعد انتخابات اتحاد الطلبة طائرة إثيوبية تحمل شعار (تل أبيب) تهبط في مطار بيروت استقرار أسعار الذهب محلياً إصابتان إثر مشاجرة عنيفة بصويلح إدارة السير: تعطل مركبات بسبب ارتفاع الحرارة طبيب أردني: السجائر الإلكترونية تستهدف فئات عمرية صغيرة الأردن يسير 115 شاحنة مساعدات غذائية جديدة لغزة أمن الدولة تُمهل متهمين 10 أيام لتسليم أنفسهم الخميس .. الأجواء الحارّة تصل ذروتها مع تزايد نسب الغبار أبو زيد: المقاومة أسقطت نظرية ساعة الصفر 49 % نسبة الخدمات الحكومية المرقمنة مصر: أي خرق إسرائيلي لمعاهدة السلام سيتم الرد عليه بشكل حاسم
مش محرزات

مش محرزات

30-06-2016 12:24 PM

بعد الدخول بالعشر الأواخر من رمضان وبعد أن ختم أبو خليل القرآن الكريم مرتين بلّش يدَوّر على عائلة مستورة يعطيها صدقة الفطر ، أبو خليل عنده ولد وبنت بالإضافة لأم خليل يعني زكاة الفطر اللي بده يطلعها ما بتجاوز السبعة دنانير ...

 

بدأ أبو خليل بعمل مسح لفقراء حارته ، ثم انتقل بالمسح إلى الحارات المجاورة ...

 

عملية المسح أخذت من أبو خليل أكثر من خمسة أيام ، وكل ما ينوي يعطيها لواحد بصير الفأر يلعب بعبه وبصير يقول بحاله : مهو حالته أحسن من حالتي بكثيييييير ويمكن في ناس بحاجة أكثر منه ..

 

وبعد تفكير طويل ودراسة نتائج المسح قرر أبو خليل أن يعطي الفطرة لجاره أبو حسين ( لأنه أبو حسين عنده عشرين نفر وما عنده دخل إلا راتب التقاعد) نطت أم خليل وقالت : اتق الله يا رجل أمبارح اشترى لزوجته غسالة أوتوماتك ( وهي ما بتعرف انه اشتراها بالأقساط المريحة وطلع سعرها عليه مضاعف)... نفخ أبو خليل مطولاً ( واتأفأف) ..

 

رجع قال: طيب خلينا نعطيها للحجة عيشه المسكينة مريضة وباركة وساكنة لحالها بغرفة وحمام وعايشه على راتب المعونة ...نطت أم خليل من جديد وقالت : هو بالله عليك تسكت أحسن لك ، مهي الحجة عيشة إعظامها ذهب وأنت ما شفت خاتم الذهب إلي بيدها وروح شوف تحت فرشتها قديش في مصاري،...

 

صَفَن أبو خليل شوي بحاله وقال: طيب شو رأيك نعطيها لجارنا أبو سعيد والله مبين انه طفران هالزلمة ، أم خليل قالت باستهزاء : يا شاطر أبو سعيد عنده ثلاث شباب الواحد منهم ما بفوت من الباب وأم سعيد فصَّلت ثوب مطرز بخمسين دينار....ظل أبو خليل يدور على عائلة مستورة وكل ما يختار حدا بتتنطح له أم خليل وبتحاول التخريب..( والله ما بعرف ليش هو من باب الحسد وإلا شو... ) ...

 

شو بدك بطول السيرة خلص رمضان والناس عيَدت و أبو خليل وأم خليل بعدهم ما بين مد وجزر ومابين مسح اجتماعي للحارات والعائلات الفقيرة والمستورة...أبو خليل ضيّع أجر إخراج زكاة الفطر من وراء المشاورات والمسح والتجوال ، ومن وراء مراقبة أم خليل للناس وأحوالهم ...

 

الله يسامحك يا أبو خليل كلهن سبع ليرات مش محرزات كل التعب والمشورة والمسح وعمل استبانات ودراسة حالة ، وصدقني الشيء الحلو ما بده مشاورة....الله يصلحك يا أم خليل كل سنة بتعمليها بالزلمة .





تابعونا على صفحتنا على الفيسبوك , وكالة زاد الاردن الاخبارية

التعليقات حالياً متوقفة من الموقع