زاد الاردن الاخباري -
يوميات ابو ديبو .. الحلقة الرابعة عشرة .. للكاتب سرهاب البسطامي
عنوان الحلقة : دكتور فهمان
** ابو ديبو وام ديبو يذهبان الى عيادة الدكتور ( ام ديبو مريضة ) ولا تستطيع التكلم .. وابو ديبو غالي قلبه على ام ديبو ..
ابو ديبو : مرحبا يا دكتور .
الدكتور : اهلا اهلا – تفضلوا استريحوا .
ابو ديبو : منشان الله الحقني يا دكتور الحقني .
الدكتور : خير ان شاء الله خير شو في .
ابو ديبو : والله يا دكتور عندي حرمتي ام ديبو صارلها يومين لا من ثمها ولا من كمها صارلها يومين ما بتحكي اتقول السانها انعقد . وانا مستغربيا دكتور في مرة في الدنيا ما بتحكي .
الدكتور : خير ان شاء الله - صار شي ازعجها - يعني سمعت خبر مش كويس - شافت شي بخوف .
ابو ديبو : لا والله يا دكتور ما في من هالحكي حكي .
الدكتور : ولا يهمك مشكلتها محلولة باذن الله .
ابو ديبو : كيف يا دكتور كيف قولي من شان الله ايدي بزنارك .
الدكتور : علاج حرمتك يا ابو ديبو ولمدة شهر كامل - كل اسبوع تنزل على السوق ثلاث مرات وتروح زيارات مكثفة وخاصة عند اهلها وتغير تلفونها وان شاء الله من هون لشهر بترجع حرمتك بتحكي . اذا مش اقل كمان .
ابو ديبو : شووووووو . شو بتقول يا دكتور قول وغير .
الدكتور : ولا يهمك واحنا راح نصرفلك حبوب مهدئ بهاي الفترة .
ام ديبو : شكرا الك يا دكتور – احنا غلبناك ؟؟؟؟ !!!!!
انتهت الحلقة الرابعة عشرة ..