مطلقة .. و لكن ماذا افعل؟؟؟؟

زاد الاردن الاخباري -

أنا كتير محتارة ويا ريت تنصحوني شو أعمل ،  أنا  امرأه مطلقة من 3سنين وعندي  طفل وعمري 29 سنة ،  الطلاق صار برغبة مني بعد وجود قضايا تفريق بالمحاكم  لأسباب كثيرة أهمها أن زوجي كان يشرب الكحول ويكذب ً وله علاقات كثيرة  وما قدرت أتحملو وتطلقت منو  بعد ما طلع روحي لخلصت منو ، المشكلة مش مشكلة الطلاق ونظرة المجتمع لأنو ما بهتم لحكي الناس لأنو الناس دايما بتحكي ع الفاضي والمليان، المشكلة انو أنا مو قادرة  أضل بدون زواج،  زي ما بحكو أعزب دهر ولا أرمل شهر،  وأنا ما بدي أمدح بحالي ، حلوة وملفتة للانتباه ومتعلمة ، ولما كتير رجال يعرفو اني مطلقة بحاولو يتقربو مني ،  وانا الحمدلله ملتزمة وبخاف ربنا بس خايفة اني أضعف بيوم من الأيام ،  وصارلو فترة طليقي بدو اياني وبحاول يرجعني وبحكي انو تغير وبطل زي أول ، أنا مو عارفة شو أعمل ، بدي أتزوج وبنفس الوقت كتير خايفة يكون لسا ما تغير وأرجع أطلق منو مرة تانية  وأكرر التجربة ، كيف ممكن أضمن حقي انو ازا رجعتلو ما يرجع زي أول ، يعني ايش ممكن احط شروط عليه أضمن حقي وحق ابني  مع اني مو متقبلتو نفسياً وحاسة انو صار في حاجز بيننا .