أول وكالة اخبارية خاصة انطلقت في الأردن

تواصل بلا حدود

أخر الأخبار
غالانت: سنصل إلى كل مكان يعمل فيه حزب الله حملات رقابية على الأسواق والمحال التجارية في جرش أطباء أردنيون: الأوضاع الصحية في غزة تُنذر بكوارث وبائية وفاة أربعيني غرقًا في قناة الملك عبد الله الاحتلال يعترف بمصرع جندي واصابة 16 آخرين وزير الكهرباء العراقي: تشغيل الربط الكهربائي بين العراق والأردن جاء بعد جهود حثيثة القسام تنشر تصميما يظهر أسيرا إسرائيليا 7 آلاف شاحنة مساعدات تنتظر الدخول إلى غزة سيناتور أميركي: المشاركون بمنع المساعدات لغزة ينتهكون القانون الدولي استشهاد فلسطينية وأطفالها الستة إثر قصف بمحيط مجمع الشفاء نتنياهو يوجه رئيسي الموساد والشاباك باستئناف المفاوضات مقررة أممية: الولايات المتحدة جزء لا يتجزأ مما يحدث في غزة الدفاع المدني بغزة: قوات الاحتلال تنسف المنازل المحيطة بمجمع الشفاء خطاب مشعل .. هل هي دعوة صريحة لتوسيع نطاق الفوضى؟ قتيل وجرحى بغارة إسرائيلية على جنوب لبنان 700 ألف مصاب بأمراض معدية في قطاع غزة الاحتلال يرتكب مجزرة بقصف قوة شرطية بغزة الحكومة: محاولات للتحريض على الدولة ومعاهدة السلام سبيل للضغط على إسرائيل التنمية تضبط متسوّل بحوزته 6288 دينار 10 شهداء بقصف إسرائيلي بمحيط مجمع الشفاء

ارجو المساعدة ..

29-07-2010 02:55 PM

زاد الاردن الاخباري -


مرحبا, طبعا انا بدي اكتب مشكلتي و مترددة كتير، بس يا ريت حد يحكيلي شو اعمل
انا صبية عمري 22 سنة، بشتغل الحمدلله وضعي منيح وراتبي ممتاز بقدر اصرف على عيلة، مشكلتي مع اهلي انا مش عم بقدر اتأقلم معهم، بحس اني مش موجودة بالنسبة الهم او وجودي مش مهم الهم، يعني بحسهم بس بدهم عرس ويرقصو في بالنسبة الي، يعني بس اعمل شي بصير حديث الموسم بضلوا  يحكوا فيه سنة , يعني مثلا كان المفروض نروح رحلة على شرم الشيخ انا خططت الها بس بعدين اخدوا اختي وما حتى سألوني اذا بدي اروح, مع انو اختي ما كان معها مصاري انو داينوها، وانا كنت مخبية مصاري عشان اروح، حتى انهم صار يتخوتوا علي قبل ما يروحوا ولا راعو مشاعري.
 يعني كتير مرات بنفجر فيهم وبصير اصرخ بس لا حياة لمن تنادي بصيروا يتخوتوا كأنة حكيت نكتة، وهديك المرة سمعت امي واخواتي عم يتخوتوا علي عشان اشي اتفه من التفاهة، المهم انا هلا ما بقعد معهم ودايما بحالي و صرت كتير انو بحس اني ما الي دخل فيهم ودايما على النت مع العلم اني صرت كتير عصبية و ما بنام ودايما ببكي، والمشكلة اني مش قادرة اشكي لحد  حتى امي لما احكيلها شي على طووول بترووح تحكيلهم وخدلك مسخرة، يعني انا قرفت بمعنى القرف، جد مش عارفة ايش اعمل معهم، صرت افضل اضل مع  صحباتي على انى اشوف حد فيهم.

 حد يحكيلي شو اعمل معهم، لأنة حتى امي اقرب الناس الي بحسها كتير بعيدة عني، وانا جد جد حاسة اني مكتئبة.  وبس للمعلومات وانا صغيرة كنت اضل اكذب، انو كان عمري 5 سنين هو مش كذب هو خيال واسع كان عندي، ولهلأ بحكو عني كذابة، عشان قصصي وانا صغيرة، والله ما بكذب وما بحكي معهم بس خلص همه هيك بفكروا حالهم كتيير كووول لما يبلشوا يتمسخروا، اا هلا عم بشغل حالي بالقراءة بضل اقرأ عشان انس اهلي وعيلتي،  وجد نفسي اتجوز وما ارجع على البيت خلص بدي انساهم ما بدي وجودهم بحياتي، تخيلوا بس تقعد معهم بيبلشوا مسخرة علي انا جد  قرفت و بطلت حتى احب اشوفهم.

اسفة طولت عليكم بس جد ياريت حد يساعدني ويحكيلي شو اعمل معهم او فيهم. وبس للمعلومات انا صحابي بحبوني بشغلي بحبوني، بعدين كل الاردن بحكوا عني حلوة الا اهل البيت، مع انو بعرف اني حلوة بس خلص عم بحس حالي شنعة اخر فترة ومش طايقة منظري.

 وعم احس حالي وحيدة وما الي حد لأنة اهلي اهم من صحابي، بس للأسف مش عم يحترموني في البيت بشلن يا جماعة الخير.

 





تابعونا على صفحتنا على الفيسبوك , وكالة زاد الاردن الاخبارية

التعليقات حالياً متوقفة من الموقع