مشكلتي مشكلة

زاد الاردن الاخباري -

السلام عليكم ورحمة الله وبركاتة
يا جماعة الخير هادا انا ابل وقت كتبت كتابي وصار من تاني يوم تتش صغير بين ابوي وابو خطيبي ولا واحد فيهم متنازل للتاني انو يسامحو بعض وابوي بيحكي يا اما بيجو يعتذرولي يا اما بيطلئنا من بعض ومن يومها ادخلو ناس من اهل ابوي وحكو احنا بنحاول نحل الشغلة ومن هداك الوقت لليوم ما حكا خطيبي مع ابوي وهو بيستنا الرد من الناس يلي ادخلو بالموضوع وبدو يصير شي شهر ع هاي الحال
والشغلة يلي كانت سبب المشكلة انوخطيبي يوم ما كتبنا الكتاب اتفق مع ابوي انه يروح هو وانا واختي وعمتي نشتري الدهب وابوي كان تعبان كتير وروح ع البيت بعد كتب الكتاب فرحت انا واختي وعمتي مع خطيبي فراحت عمتو حكت بنشتري الدهب من الحسين لانو قريب ..راح حكا خطيبي بدي اوخدكم ع الزرقا عند اهلي وبدي اخد امي معي ورن ع بابا وحكالو بدي اروح ع الزرقا ونشتري الدهب من هناك فراح اخدنا ع الزرقا ولفينا شوي بالسوق وبعدين اخدنا ع بيتو وبعدين رحنا شرينا الدهب
تاني يوم ابوي بحكيلي يوم الجاهة ما بدي استقبل النساوين عندي لانو هم الناس اهانونا لانو خطيبي ما حكا لبابا انو بدو يغدينا عندهم
فرحت انا حكيت لخطيبي انو ابوي ما بدو يتقبل اهلو من النسوان في بيتنا فخطيبي حكى فش مشكله بعرف انو ابوكي معقد شوي
راح ابو خطيبي حكى مع ابوي وحكالو ليش بدكاش تستئبل النسوان في بيتك
ابوي حكالو : اسال كبيرنا
ابو خطيبي : ليش ما جبت كبيرك يوم الطلبة ا
بابا سكر الخط بوجة ابو خطيبي واعتبر هاي اهانة كبيرة
وحكالي هدول اهانوني ويكره بهينوكي متل ما اهانوني

وحكا بابا انهم حكولي هلا صارلك كبير ووين كان كبيرك يوم الطلبة
بس خطيبي بحكيلي انه ابوه حكا لابوي ليش ما جبتو يوم الطلبه
المشكلة هلا انو خطيبي وابوه بيحكو احنا ما اهنا ابوكي وانو ابوكي مزودها كتير وهم مش راضين يتنازلو يجو يعتزرو لبابا والعرس مفروض يكون باخر الشهر هاد

هلا انا محتارة خطيبي بحبني وبدو ياني طيب اذا بتوصل الشغلة للمحكمة شو احكي للقاضي بديش ازعل ابوي وبنفس الوقت بديش اترك خطيبي هاتو لاشوف حلولي المشكله والدين بيحكيلي لازم ارضي ابوي وارضي جوزي بس مش عارفة شو اعمل بهاي الحالة والله يفرجها علي وع الكل
وبكل حال افوض امري الى الله ان الله بصيرا بالعباد