زاد الاردن الاخباري -
خاص - عبّرت فتاة أردنية عن حزنها الشديد لإلغاء مهرجان "البيجامات" يوم أمس والذي كان مقررا في 17 اكتوبر المقبل ، ولكن تم الغاؤه يوم أمس تحت ضغوط قانونية وشعبية.
وقالت الفتاة التي يبدو أنها ابنة أحد المتنفذين في الدولة الذين لهم علاقة مباشرة بالمهرجان "الماجن" : "نفسي تعبانة كتير وحاسة حالي مخنوئة من الناس اللي هون بهالبلد وفكرت بالإنتحار اليوم كمان لأنه ماحدا فاهمني وكل واحد بتحشر فينا" .
واضافت الفتاة خلال "فضفضة" لها على إحدى الصفحات الاردنية على موقع التواصل الاجتماعي "الفيس بوك" والتي لم تنشر اسمها : "ولكو مشان الله احكولي يعني مش عارفة انا ليه هيك اللي هون بفكرو وبتصرفو!! مش ئادرة أتصور انهم لغو مهرجان البجامات مبارح.. كله عشان واحد رفع قضية على اللي عاملين الإيفنت الله يكسر إديه ولكو مشان الله خلونا نرتقي خلونا نحس انه احنا مابنفرء عن البلاد المتطورة" .
وتساءلت الفتاة : "متى بدنا نرتقي؟متى بدنا نحترم آراء بعضنا البعض ومتى بدنا نترك لبعض حرية التصرف وحرية الرأي ..كل مابحكي تطورنا بحس انه لسه نحنا متخلفين وبنرجع لورا.. كل واحد حر بحاله عفكرة" .
وتابعت : "ولولا ما بابا اله وزن بالبلد وبده يانا نضل هون كان من زمان هاجرت.. بس شو بدي احكي الله يصطفل فيهم اللي كانو السبب بإلغاء المهرجان وحرئولي دمي وياريت ماحدا يحكي كلمة هيك ولا هيك لأنه مش نائصة" .