لا أعرف .. ربما كرهته

زاد الاردن الاخباري -

إخواني قرّاء زاد ...السلام عليكم ورحمة الله وبركاته
أنا فتاة متزوجه من سبعة شهور...مشكلتي إنه بعد الزواج أكتشفت أن زوجي إنسان تاني مو نفسه اللي عرفته أيام الخطبه ...فيه صفات كتيره ما حبيتها والمشكله إنه كان قمة في الزوق والأخلاق أيام الخطبة وما أكتشفت أي شي من صفاته السلبيه...مثلاً أنطوائي كتييير ما بحب يشوف حدا ولا يجي علينا حدا دايماً كئيب بحب النكد مو شرط معي يمكن مع أمه أخته صاحبه المهم ما بصدق وتصير مشلكه ليعيش الأجواء والنكد والعزله ...بتصير المشكله من هون وبتكون سخيفه بس بسرعه بنهار وبدمر وبصير يبكي وبسكر عحاله الباب وبنام لتاني يوم...حاولت أنسيه الدنيا وأطلعه من حالة العزلة والأنطوائيه اللي هو فيها بس ما قدرت...تعبت من تصرفاته كتير...وللعلم هو مقصر معي كزوجه من جميع النواحي...هلأ لما يروق وهالشي ناااادر ليصير أنا بكون مو قادره أتقبله كرجل ...بكون قرفته ومو قادرة أطله بوجهه...

شو أعمل ؟؟؟ حياتنا كئيبه ومأساويه ...وخايفه ما أقدر أستمر معه...بدي نصيحتكم