أول وكالة اخبارية خاصة انطلقت في الأردن

تواصل بلا حدود

أخر الأخبار
الأردن .. مخيم وجبل الحسين يودعان خالد شنك - صور امتناع لاعبي نادي السلط عن التدريب الحكومة الأردنية عن ارتفاع الألبان: سوق يحكمه العرض والطلب شبهة خطأ طبي في وفاة شاب اردني وتشكيل لجنة تحقيق نتائج الضرر البيئي لتلوث ميناء الحاويات الأربعاء الحنيفات: نحتاج مليار متر مكعب من المياه لزراعة القمح عمرو: قانون الاستثمار يهدف لتعزيز الحقوق والامتيازات وفاة شاب أردني في تركيا إحباط محاولة تصنيع مادة الكريستال المخدرة بالأردن انخفاض مستوردات قطع السيارات 26% إطلاق ملتقى (أنا أشارك) لدمج الشباب الأردني بالعمل السياسي ولي العهد يلتقي عمداء شؤون الطلبة بالجامعات الرسمية - صور عمال بوزارة الشباب لم يستلموا رواتبهم منذ شهر ونصف عين أردني: المشاريع تساعد المواطن بالاعتماد على ذاته 31 رحلة بين عمّان وصنعاء منذ بدء الهدنة الاحتلال يزعم إحباط تهريب أسلحة عبر الحدود الأردنية مليون مسافر عبر مطار الملكة علياء الشهر الماضي حماية الأسرة: 10 آليات للتواصل مع مقدمي البلاغات والشكاوى البنك المركزي: الأردن ملتزم بمكافحة غسل الأموال وتمويل الإرهاب الواقيات الذكرية بين المسروقات .. تفاصيل سرقة 3 صيدليات في الاردن

أنا حابة أستقر

23-06-2010 11:57 PM

زاد الاردن الاخباري -

السلام عليكم
 
انا بصراحة أول مرة بشترك في زاد الاردن لانو عجبتني طريقة طرح المشاكل علشان هيك اتشجعت وبدي احكي مشكلتي،انا فتاة من مواليد 1981 جامعية بكاريليوس تخصصي لغة عربية انا عمري 28 سنة بس صدقوني مو موبين علي امبين اني لساني 23 سنة انا زي اي بنت كنت حابة استقر ويكون الي بيت واولاد علشان هيك لما اتخرجت من الجامعة واشتغلت بشركة بسنة 2005 وفي يوم اجا شخص زار مدير الشركة بحكم انوا كان يشتغل معو بس هدا الشاب لما شافني اعجب في من المرة الاولى وسأل عني وعرف اني مش مرتبطة  المهم تاني يوم اتصل على تليفون الشركة وانا رديت على التليفون واتفأجت بأنه بيعرض علي الزواج فأنا رديت عليه وحكيتله انو الاصول يحكي مع بابا في الموضوع وفعلاً اتصل فيه وحددوا يوم يجي هو واهلوا عنا هو كان اكبر مني ب 11 سنة، واصلاً حكالي انو ما كان مهتم بالزواج الا لما شافني، المهم سأل بابا عنه واحد من اقاربنا ساكنين بنفس المكان في السلط بس للأسف عرفنا بعدين انو هادا الشخص ما بيعرفوا هادي المعرفة، المهم خطبت بشهر 3/2005 ومن يوم الخطبة صدقوني ما كنت مبسوطة كل ما يجي عنا بصير نكد وانا كنت بدي افسخ الخطبة بس اهلي صاروا يحكولي انو بتصيري اسمك مطلقة لانك كاتبة الكتاب، المهم اتزوجت بشهر 9 وكان في الحفلة طاير في طير ومبسوط قدام الناس بس هاد كلو اتبدل لما اوصلنا البيت صدقوني حتى شهر العسل رحنا اسبوع على مصر بس كان اسبوع نكد اكتير لانو ضربني واحنا في بلد غريبة ما بنعرف حدا فيها ولما ارجعنا على الاردن انا طبعاً ما حكيت لأهلي علشان ما اضايقهم وصبرت علية شهرين بس اللي اتضحلي انوا بدو يعمل في زي ابوه ما بيعمل مع امه هو على كل مش دارس للتوجيهي المهم عشت عندو سنتين قضيت نصف المدة عند اهلي وفي المحاكم المهم صار الانفصال وصدقوني اني ما كنت بدي اوصل للانفصال لانو مش سهل بس ما قدرت اتحمل الاهانات والضرب مرة الاقيه امنيح ومرة يتغير فجأة، المهم انا صارت عندي حساسية من الناس كل ما شوف البنات مبسوطات مع ازواجهم صدقوني بتحسر على حظي وهلا كل اللي بيتقدمولي متزوجين وعندهم اولاد وانا بصراحة بخاف اكون زوجة اب بس انا بنفس الوقت حابة استقر ويكون عندي اولاد زي باقي البنات انا الحمد لله مش ناقصني اشي حلوة و متعلمة بس مشكلتي اني اتسرعت واتزوجت شخص مش مناسب الي من حيث التعليم  بس التعليم مش شرط لانو اختي اصغر مني ايضاً جامعية وزوجها مش مكمل توجيهي بس ما شاء الله عنهم، صدقوني انا ما بيهمني الوضع المادي قد ما بيهمني اني اكون متفاهمة مع زوجي مع العلم اني مع عندي اولاد،رجاءً ما تفهموني غلط بس انا ما لقيت غير هادي الوسيلة اللي احكي فيها مشكلتي والسلام عليكم





تابعونا على صفحتنا على الفيسبوك , وكالة زاد الاردن الاخبارية

التعليقات حالياً متوقفة من الموقع