الحبيبة الأولى

زاد الاردن الاخباري -

تحيه الى كل قراء زاد 

انا شب سأبدأ بسرد قصتي قبل 14 سنة

في ذلك الوقت كنت طالب  كان الي زميله من عمري ومن دفعتي و كنا على علاقه و قصة حب و اكيد كان في نيه للزواج , حتى ما اطول عليكم امور الزواج ما تيسرت لأسباب كثيره و هي سافرت على الخليج و كنت على تواصل معها و بعد سنه انقطعت اخبارها بلتدريج و صرت يا دوب كل شهرين حتى اتلقى منها رساله او مكالمه انا طبعا ضليت بلبلد و كملت ماجستير و تجهزت للسفر الى اميركا حتى اخذ شهادة الدكتوراه طبعا الاهل اصروا انهم يزوجوني و فعلا انا اتزوجت على ال 26 من ينت من اصول شاميه ما شاء الله عليها اخلاق و تربايه و جمال و كنت في غاية السعاده يعني بلعربي زوجوني للعبه اقصد من ناحية الجمال ما شاء الله  مع انه مشكلتها الوحيده انها كانت مش دارسه و اصلا كانت صغيره عمرها 19 سنه لكن اتفقنا انها تدرس , عشت معها حياه في غاية السعاده و كانت لي الزوجه الوفيه و انا حبيتها لأنها زوجتي طبعا ارجعت من اميركا بعد 9 سنين و لم احصل على شهادة الدكتوراه لظروف هي مش في صلب الموضوع لكني اشتغلت و حققت بعض من طموحي و ارجعت على البلد و عملت مشروع على قدي و وضعي المادي ممتاز و مكفي حالي و زياده انا مشكلتي بدت قبل سنه انا الان عمري 37 سنه و قبل سنه بلتحديد بينما كنت في احد المستشفيات في زيارة قريب رأيت الفتاه الي كنت احبها ايام الجامعه و طبعا وقفنا و سلمنا على بعض و هي كعادتها ضحوكه و كلامها موزون و لما سألتها اذا اتزوجت ابتسمت ابتسامه و شالت عيونها عني و قالت لاء ما صار نصيب و استأذنت و غادرت بصراحه انا مش قادر انام الليل انا بحبها و بموت فيها هي عمري و كل حياتي عمري ما شفت واحده زيها ولا راح اشوف الله يخليلي مرتي بس هي غير انا بتوقع انه اغلب الناس راح يحكولي مرتك احلى واصغر على فكره من ناحية الجمال و بعيوني انا ما في و احده بلعالم احلى منها و هي مرتي كتير بيختلفوا من ناحية الشكل مرتي بيغلب عليها الشعر الاشقر و بشرتها فاتحه و هي ناعمه بكل شيء حتى طولها و وزنها ناعمين  اما حبيبة قلبي فهي مختلفه تماما هي مميزه عيونها مميزه طولها مميز كسمها مميز و كل شيء فيها مميز خاصه بعيوني و هي ينطبق عليها المثل الي بيحكي كل ما تكبر تحلى انا مشكلتي اني بدي اياها بدي اتزوجها انا بحبها لكن زوجتي الاولى و اهلي و هي نفسها مش عارف انا ملخبط لسه ما فتحت الموضوع مع حد و الموضوع بيني و بين حالي كثير فكرت و قلت لحالي انساها يا ابن الحلال هيك عشت سنين بدونها و كان مرات يمر ايام ولا تخطر على بالك لكن برجع بلاقيها لاحقيتني وخيالها وراي وصوت ضحكتها لسه عم بسمعه

وين اروح  في شو الحل