أول وكالة اخبارية خاصة انطلقت في الأردن

تواصل بلا حدود

أخر الأخبار
سوء اخيتار لـ 2331 معدلاتهم فوق الـ 90 نتائج القبول الموحد - رابط الأئمة يطالبون الحكومة بعلاوات معدل الطب في الأردنية 99% ذنيبات يُخالف النقابة: لم أتعهد للمعلمين بالعلاوة في يوم الانتخابات .. وفاة زوجة السبسي توقيف ناشطة على فيس بوك بعد شكوى من النائب حابس الفايز سلطة وادي الاردن تبدأ عمليات صيانة المنشأت المائية استعدادا للشتاء إضراب المعلمين يدخل أسبوعه الثاني .. والنواصرة يطلب الاجتماع بالرزاز بالاسماء .. تشكيلات أكاديمية في كلية الأمير الحسين بالجامعة الأردنية بالاسماء .. إحالات للتقاعد وتنقلات بين عدد من كبار الضباط في الامن العام وفاة طفل يبلغ من العمر 5 سنوات غرقا في منطقة الشونة الجنوبية مسيرة للمعلمين المضربين عن العمل في الكرك “تجارة عمان” تدعو لإزالة عوائق التجارة بين الاردن وسوريا بالفيديو .. وفاة شخصين واصابة 4 اخرون اثر حادث تصادم مروع في العقبة النائب الظهراوي يدعو الرزاز لقبول دوة "المعلمين" للحوار تأجيل مثول النائب طارق خوري أمام الادعاء العام نقابة المعلمين ترد على الذنيبات : اضراب ٢٠١٤ كان خديعة كبرى من الحكومة الحكومة الإسرائيلية تقرر عقد جلستها الاسبوعية في غور الاردن بالارقام .. الحدود الدنيا للمعدلات التنافسية لمرحلة البكالوريوس

آخر ما توقعته

09-01-2010 09:09 AM

زاد الاردن الاخباري -

قرّاء زاد الأعزاء ...

السلام عليكم ورحمة الله وبركاته ... 

أنا فتاه عمري 25 سنة وتزوجت قبل شهرين تقريباَ...موظفه والحمدلله ... مشكلتي يا جماعه أني  بعد الزواج ما ارتحت نفسياً بالمره دايماً خايفه ...متوتره ...مخنوقه...بالليل بصير أبكي وأنا نايمه وأتذكر أهلي وبتمنى لو أني أرجع أعيش عندهم...أنا يا جماعه بعرف أنه الزواج مو لعبه ومسؤوليه وكان حلمي أتزوج وأصير أم زي كل البنات والحمدلله تزوجت من شخص مقتنعه فيه وأختياري يعني ما حد جبرني عليه...بس هلأ وأنا بالدوام بس أتذكر أني بدي أرجع ع بيتي بنخنق ما بحبه وما برتاح فيه ونفسيتي بتدمر حتى إني صرت أكره الأجازات...مو حاسه بالأمان والأستقرار فيه...مع أنه زوجي منيح معي...حتى أحياناً صرت أحس أنه مشاعري أتجاه زوجي تغيّرت...يعني بره البيت بكون رايقه ومرتاحه وجوا البيت محطمه حتى الطبخ ما عم يزبط معي...حتى كل شي بالبيت جديد بس عم بخرب معي من أول أستخدام...ما بعرف ليه هيك عم يصير معي...ما توقعت أني أدمر وأدايق بهالشكل...حتى الصلاه عم بسرح وبخربط فيها...بس لما أكون بره البيت بكون رايقه وكل أموري تمام.

هلأ أنا ما بنكر أنه صار خلافات بالبدايه مع حماتي وصار عندي ردة فعل من الزواج كله...وفي صفات بزوجي تفاجئت فيها متل الأنطوائيه مو عني طبعاً عن المجتمع الخارجي ما بحب يروح ويجي وما بحب العلاقات الاجتماعيه حتى ع أهلي زيارته خفيفه...كنت أعاني قبل الزواج من فراغ عاطفي وتوقعت إني أتنقل لمرحله جديده كلها حب وأمان وأستقرار بس للأسف ما عم بحس بهالشي نهائياً ما بحس إلاّ بالخوف وما بنكر إني عم بحس بالندم لأني تزوجت... بحسد خواتي  البنات لأنه الوحده فيهم ما بترتاح غير ببيتها وأنا ما عندي هالأحساس بالعكس بكره بيتي كتير... بروح عند أمي وبصير أبكي بتقلي توكلي ع الله كل البنات بالبدايه بصير معهم هيك... بس أنا عنجد تعبانه تعبانه يا جماعه وبتمنى تساعدوني وتحسوا معي قديش بشع الأحساس بالخوف يمكن تحكوا أني سخيفه ومو قد المسؤوليه بس والله والله الي بصير مو بيدي... خاااااااااايفه ومخنوقه ..

شكراً لزاد وشكرا لكل من يقدم نصيحه بسيطه ..





تابعونا على صفحتنا على الفيسبوك , وكالة زاد الاردن الاخبارية

التعليقات حالياً متوقفة من الموقع