عمر الشريف: نفسي ربنا يسامحني

زاد الاردن الاخباري -

 نفى الفنان العالمي عمر الشريف ما تردد حول رغبته في كتابة مذكراته مؤكدا ان فكرة كتابة المذكرات مستبعدة لديه تماما.

عمر الشريف اكد في تصريحات خاصة لمصراوي انه لن يكتب مذكراته لسبب بسيط جدا وهو أنه يرفض أن يتحدث في سيرة أحد.

واضاف بتلقائية واضحة "انا ما بحبش أجيب في سيرة الناس، مفيش حد بيعيش لوحده، كل يوم ممكن تقابل ناس جديدة والأيام بتفرق كمان الناس عن بعض، الموت ياما بيخطف وكمان السفر والغربة، يبقى إزاي أحكي سيرة حياتي من غير ما أتكلم عن فلان وعلان، طب ينفع أقول فلان ده كان كذا وكذا وعمل كذا، مش ممكن ده يؤثر على حياته دلوقتي، ولو كان مش عايش ممكن يؤثر على حياة أولاده وأهله، دي مش أخلاقي أبداً عشان كده أنا شايف إن غلط جداً إن الواحد يكتب قصة حياته وممكن لما يموت يبقي حد يكتبها.

وكان عدد من نجوم الفن المخضرمين قد اعلوا نيتهم كتابة سيرتهم الذاتية خلال الفترة المقبلة واخرهم الفنانة سميرة احمد.

واكد النجم العالمي ان حياته لم تكن مثالية بل شهدت العديد من الاخطاء الا انه يتمنى ان يسامحه الله عليها.

وقال "مين اللي ما بيغلطش، هناك ناس غلطوا بحقي، وناس أنا غلطت بحقهم لكني لست من الذين يسجلون كل ما يمر عليهم في دفتر الملاحظات كما لا أحقد في قلبي على أحد، وأعي أن الإنسان بطبعه قد يخطئ ويصيب، فنحن لسنا ملائكة، لذلك الفنان إنسان ومعرض للخطأ بحق غيره.

واستطرد قائلا "أنا عارف ان ربنا يمكن يسامحني عشان انا انسان مسالم مع جميع الناس بطبعي، عمري ما تعمدت أن أؤذى إنسان، وزي ما بيقولوا اللي في قلبي على لساني عشان كده ما باعرفش أكذب وبيقولوا عليا اني مسحوب من لساني ومزودها حبتين في موضوع الصراحة ده عارفة ليه علشان مش باخاف من حد يبقى حاكذب ليه..؟!