تعبانه

زاد الاردن الاخباري -

بالبداية اريد ان اشرح وضعي انا امرة متزوجة منذ فترة ليست بعيدة لا يوجد عندي اطفال بعد ..زوجي ترك عمله بعد شهرين من الزواج والان يعمل لكن زوجي عليه ديون

المشكلة انه كل شي علي انا ...كل المصاريف الي المفروض الزوج يقوم فيها انا بسكرها بداله حتى المناسبات الي بتخص عيلته انا بدفع ثمن الهدايا يعني من الاخر ما بيدفع شي

انا تعبت من الوضع وتعبت من دفع ايجار البيت والكهربا والمي حاسة انه انا الزلمة بالبيت ..وكل هاد بيضل معصب ومدايق ..على قولة مخنوق وتعبان ونفسيتي زي الزفت.. مع انه ما بيدفع شلن

بيضل معصب لانه مديون ...وانا بلف بلف وما بستفيد من راتبي شي وعم بشتغل شغلين بشركة وبعد الشركة بدرس خصوصي للطلاب... يعني انا حاسة انه عم بفقد انوثتي شوي شوي .. غير هيك

انا نفسيتي تعبت بدي السترة وبدي اضل محافظة عبيتي ...بس مو زابط شي. اهلي ما بقدر اخبرهم شي لانه وضع اهلي سئ جدا ...وبالنسبة لراتب زوجي بيداين طول الشهر وبس يستلم راتبه

بيدفعه بدل ديونه وغير هيك راتبه قليل كتير 250 دينار ما بيجي اخر الشهر بيكونش معه منهم 50 دينار مواصلات اله وغير الي بكمله انا ..طيب انا شو اعمل صرت حابة احس اني زي زي غيري ..انا ما عندي

مشكلة بالمساعدة بس انا هيك بطلت أساعد صار اجباري الموضوع... هو بس اعصب واحكيله بدي ابطل بيحكيلي بدك اتبطلي بطلي بس انا ما راح اقدر لانه اذا عندي راتبين وهو مش صارف عالبيت كيف ازا بيكون

بس راتبه الي اصلا رايح دين



والله تعبت مشان الله حللولي الموضوع