اهلي

زاد الاردن الاخباري -

الى قراء زاد المحترمين طرحت مشكلتي عندكم عشان الاقي الحل اللي يرضي ربنا اولا ومن ثم الحل الملائم لاهلي والرجاء اخد الموضوع على محمل الجد

انا امراه متزوجه من 9 سنوات وعندي بنت .اهلي وباختصار كان وضعهم المادي منيح الحمدلله ولكن من اكتتر من سنه والوضع المادي عندهم ساء بشكل كبير وابوي وامي متقاعدين ورواتبهم صارت كلها مرهونه للبنك بين يوم وليلة بعد ماتراكمت عليهم الديون عشان يسدو الدين ومايضل عليهم اشي .بالمقابل رواتبهم تصفرت يعني مابياخدو ولا تعريفة .المهم كانت اختي الصغيره عندهم ومن لما ساء الوضع المادي كانت هي اللي تصرف على البيت بس اجا نصيبها من شهرين وتزوجت وهلا هي عند اهلي بتستنى بتاشيره الزيارة عند زوجها باستراليا.وجوزها منعها تشتغل وصار يبعتلها حوالات على قدها قاعده بتصرف منهم على اهلي .عندي اخبن واحد صغير والتاني بيشتغل وبيدفع اقساطه الجامعية وبيدفع لاهلي اجار البيت .يعني دينار واحد مابيكون في جيبته وعامل اللي بيقدر عليه واكتر .اخواتي المتزوجات مش موظفات . فش غيري موظفة وراتبي جيد .ازواجنا مابيعرفوا اشي عن وضع اهلي واحنا مابدنا يعرفوا عشان اهلي وعشانا احنا .بعرف الفقر مو عيب بس هيك رغبتهم . وقد مامنقدر منختصر مشاويرهم عشان ماينكشفوا على وضع اهلي .لانه مرات بيكون فعليا مافي اشي حتى يقدموا الهم . انا بساعد باللي بقدر عليه بعطي اخوي الصغير مصروفه واللي بقدر عليه بعطيهم بس بلش اللاشي يبين ويكون واضح وصار يأثر على وضعي المادي انا وزوجي وعلامات الاستفهام بلشت بعيونه .بس مابيحكي لانه من شغلي .واللي بقدر عليه بطلعلهم ياه من البيت سكر .زيت وغيره .

ياجماعة انا مابتسعطف حدا منكم مافي حل قدامي مش عارفة هدا اللي بعمله حرام بدون علم زوجي . ومش قادره اتفرج على اهلي واسكت واكتر من هيك مش قادره اساعدهم تعبت كتيير وراسي رح ينفجر اللي سنه على هالحال . وضعهم ساء كتير بعد ماكانوا الحمدلله على كل شي . مافي قدامي غير حل واحد . اني اتطلق لاي سبب كان عشان اقدر اصرف عليهم مافي غير هيك ؟ الرجاء بتمنى تفهموا وضعي وتقدروا انه الواحد مابيقدر يشوف اهله هيك ويسكت وبنفس الوقت بيتي وجوزي وبنتي . ماحد يقلي صارحي جوزك مابقدررررررر ولا باي شكل احط اهلي قدام جوزي بهيك صوره شو اعمل ؟؟؟؟؟؟؟؟؟؟