احلام شاب اردني ,,ولكن !!

نشكر كل من ساهم على تحطيم وتكسير و رمي و تتدمير احلام شبابناوسارت سراب في صحراء قاحلة , التي كانت اكتر من بسيطه و سهلة المنال , اصبحت صعبه ومستحيله ,

الشاب الي كان يفكر في شقه يشتريها او بيت يبنيه ينسى هيك لاانه مش راح يلحق الاسعار قد ما يحوش,

الشاب الذي كان طموحه سياره لو كيا سيفيا فحصها تلات جيد ينسى الموضوع لاانه مش راح يخلص من ارتفاع البنزين و طس المخالفات ,

الشاب الي كان طموحه يدرس جامعه و ياخد شهاده البكالوريس ينسى الموضوع لاانه مش راح يقدر على اسعار الساعات و الموازي و منيح اذا بقدر على الدبلوم او كليات المجتمع ما بالكم لو كان طموحه دراسات عالية.

الشاب الي يدور على بنت الحلال و الناس الي تسير شريك حياته اسف هون لو بحكيله كمان انسى الموضوع لاانه ابوها راح يرفع مهرها و كسوتها وطلباته مع ارتفاع اسعار السوق و الضرايب و تاني شي غلاء المعيشه و الضرايب الي كسرت وحطمت امال اي شاب قبل ما يطلع على وش الدنيا و الراتب و الاجر الثابت مهما طلع السوق وارتفعت الاسعار ما بطلع بس الحلو في رواتبنا ممكن لو نزلت اسعار السوق ينزل مع اسعاره بس ما بطلع معه !!!

طبعا ليش ننسى هيك احلام مع العلم انها كتير كتير بسيطه لا طالبين فيلا ولا شاليه على البحر و لا 10 مليون دينار في البنك ولا طالب اتجوز بريتني سبيرز, مين حطم احلامنا واحلام اي شاب اردني بسيط و اقسم بالله مابدور الا على الستيره و المشي جنب الحيط و مابطلع لفوق كمان مشان ما تنكسر رقبته.

هل هي الحاله الاقتصاديه المزريه التي وصلنا لها من ارتفاع للاسعار و الضرائب , ام استغلال بعض من ذوي الشأن التلاعب باسعار سوقنا , هل لاانه اصبح التعليم تجاره , او اذا حبيت تاخد قرض من البنك بقصوك باسعار الفايده بتخاف تاخد وتتورط ما تقدر تسد ,,,, وهل وهل وهل ؟؟؟

اسئله كثيره ومحيره , اترك الاجابات لكم لاانه كل شخص بنظره اجابه مختلفه بس بالنهايه توصل لنفس النتيجه وين مالفيت وجهك

تحياتي

حسن التلاوي

darkshwo@hotmail.it