ميل يا برميل .. واطعج يا بكرج .. سحلو شوي .. وقفو بزياده

مصطلحات كثيرا ما سرنا نسمعها او نشاهدها او نطبقها

اساليب و عادات وكلام اتخذها شبابنا بعيده عن عادات و تقاليد

ومنها :-

سار الشب عنا ما يشوف بنت بالشارع بلحقها بكلام اكتر ما بكون مكتوب بالجرايد ما بخلي كلمه

متل ميل يا برميل واطعج يا بكرج , على رمشي بتمشي , كل الشفايف ومن بوسه خايف .

لاي مستوى انحدر شبابنا ,هل اصبح الاستهتار بعروض الناس سهل للدرجه هذه ؟ التعليق على بنات العالم اصبح عاده و تلطيش الكلام الذي يجرح الحياء ؟ هل اصبح عاده ان نجد الشباب حولين مدارس البنات مثل الذباب ؟

المعروف عنا بلدنا الاردن بلد الامن و الامان رجال و شعب الكرامه و النخوه نحن اردن النشاما

النشاما الذين لايرضون بالعيب وعرض الناس عرضهم و نصره الضعيف و الوقوف مع المظلوم الى اين رميتو هذا الفكر ؟؟؟

لما نخرج بناتنا الى الشارع باي وقت من اوقات اليوم ليل او نهار , نخرجهم ونحن مطمئنين انه اردنا اردن الامان و شباب و شابات النخوه .

الامر الاخر

اين منظر الرجوله و العروبه عندما نختار ملابس لا تليق بمجتمعنا و عاداتنا وتقاليدنا ولا بالدين , يعني منكون على الموضه لما يكون البنطلون ساحل ؟ هيك بتكون من شباب الكول ؟
وشب فنكي ؟ والله لا اتوقع تكون هيك شب او رجل, بعتبر هاد اشي تاني .

لا انه يا صاحب البنطال الساحل ما اتوقع يكون يوم من الايام احد من عائلتك بالشارع ماشين وقدامهم شب متلك بحب البنطلون الساحل يكون ماشي و جزء من غياره الداخلي ظاهر ؟ هل هذا المنظر تحب ان يراه احد من عائلتك بالشارع ..؟؟ لا اتوقع انك تحب ولا انا احب ..

بنسبه لتسريحات الشعر وماشاءالله بدعنا بتسريحات الشعر , انا ما بقول لا تعمل شعرك على الموضه ولا بقول قصه ولا طوله بس الي بنعكل بالواكس خارج عن الخيال يعني بتوقفو الشعر متل القنفذ ارتفاع متر يا عرض متر يمين شمال, لا اتوقع هذا منظر لائق بشاب اردني وانما يكون قريب الى عبده الشياطين , ماذا تتوقع عندما يكون سائح عربي او اجنبي في بلدنا الحبيب ويرى هكذا تسريحات ؟ اتوقع عارف شو بقول ... بس الكلمه لما بقولها ما بقلها عنك لحالك بجمع شعب كامل فيها يعني الصالح راح بعروه الطالح

يا شباب غيرو من حالكم يصلح الله من حالكم

يا شباب نحن اردنين اردنين يعني رجال وزلام

انا مابقلك لا تلبس ولا تقص شعرك بس بحدود المعقول ومش ضروري كل بنت بالشارع تعاكس فيها و ترمي كلام متل الدبش لاانه عرضنا وشرفنا واحد

*ملاحظه : انا اتكلم من باب الراي الشخصي

في ميه طريقه وطريقه اكيد تكون شاب ورجل بمعنى الكلمه و على الموضه وملفت للنظر بطرق مختلفه عن هذه التي تتبعونه الان, وسمعتنا من سمعه بعض .

سامحوني على الاطاله ولا اقصد ايذاء او جرح مشاعر احد بكلامي

تحياتي لكم

حسن التلاوي
darkshwo@hotmail.it